本來都無買飛，幾個月前問同事R飛，尋日佢都話唔好意思無呀，
免費o既野唔強求咁多啦，咪話唔緊要啦下次先啦。
點知今日下午六點打個電話黎話有位剩喎睇唔睇？兩個鐘後開始，
咁不斷搵人陪睇，搵左田中、Kenny、強哥、燦、松、Laurence等人，
唔係打去無人聽就話約左人一陣有野搞唔黎得。
都990蚊飛架你估平野架，鬼咩，臨時臨急要搵人唔容易。
之後搵左+樂去睇，Alan話佢係L'Arc忠粉，咁一定唔會浪費啦！
上次睇X-japan跟saya帶路，答地鐵再轉的士，
今次就自己由香港站答去機場快線，一出站就已經係博覽館。
入到場好在趕得切，今次企個位雖然遠d，但附近左右無乜人，
可以自由活動，只係拎部iphone影相都比實Q阻止(唔好話舉大機)
全晚氣氛一樣激昂，巡例都講幾句廣東話向香港o既粉絲問好，
有唱鋼鍊o既op，不過可惜無唱到Gundam 00 o既op，
又話去廟街買左個釣魚玩具(佢地落去呢d地方可以全身而退咩？)
不過無好似X-japan咁彈獅子山下之類o既香港經典。
Encore時都係觀眾係咁踩個觀眾席隆隆作響，當然唔少得人浪，
坐前面果d變左立法會d官員咁比L'Arc掟蕉，笑左~