話說公司d mac機裝晒CS5，不過我一向唔主張用最新ver，
(原因以前blog都講過，唔再講多次)所以一直用番CS4做稿。
反正CS4做o既稿CS5都開到，係CS5做o既稿CS4開唔番之嘛。
係有時要執同事做過d稿(佢用CS5做)迫不得先要開CS5。
新版本o既檔案唔能夠向下兼容真係好頹，
如果某d印廠收Indesign檔但佢地最新只有CS4咁就棟左響度。
部機無轉新但軟件轉新只會慢左，ver越新只會越多野又點會快？
用過Indesign CS5後，暫未發現有咩好處，只發現膠位，
指埋張圖度有個圓圈，只要係果個圈位移動就等同白箭咀，
喂，你當我唔識o禁A掣轉白箭咀架？乜咁樣真係方便左咩？
有時快手想移動張圖位置變左裁左張圖，搞到要undo番。
另一樣膠野，轉pdf掟去印廠係出書不可或缺o既步驟，
CS4轉pdf都會有個timeline話番你知仲有幾耐轉完，
CS5就無左呢樣野，仲要轉完都唔自動開番個pdf出黎，
真係下下要我心算佢幾時轉完檔咩？
可取之處係轉緊pdf過程中都可以繼續使用Indesign囉，
不過同事都唔敢咁做，你知啦電腦o既野好難講o既，
唔驚佢轉緊果陣出錯咩？一陣少緊張圖或變左亂碼點算？