就到夏天，無左厚厚o既衣物掩護，要真身示人。
希望夏天前可以減一減身型，咁就行步路都充滿自信。
冬天都仲有好多唔同衫可以玩，可以著軍褸、皮褸、
帶頸巾、有帽衛衣、斯文o既冷衫襯格仔裇衫等，
夏天男裝就無野好玩，一係T-shirt一係裇衫，
而好唔好睇取決於身型o既線條，要好睇就一定要fit。
自問自己一向唔算肥，只係同纖薄身型黃蜂腰有段距離，
比起肥底o既人我都應該容易過佢地。
無可否認盡情咁食係一種享受，以前就算食夠都繼續食，
要食到食唔落先停，最近控制食量，甚至唔飽都照停，
有時會暈暈地手軟腳軟，要慢慢等身體適應個食量。
無計，要達標就要犠牲一d野，今年誓要做個型人！
|
