一月新番只有呢兩套真係睇晒，Another係值得一睇。
先講Another，手痕睇左捏他，一早知個Miss係大佬(?)。
但係完全無損我追睇落去o既動力，呢d咪就係好片！
(好片不妨一睇再睇，再睇都捏他晒啦，咪又係會睇)
佢最難表達係男主角個亞姨同個Miss係同一人，
但又唔可以比人知，連聲優都搵兩個人去配。
其實當然動畫畫得一d都唔似，某程度上係格硬黎。
(原著係小說，無得睇樣o既，話赤澤係佢亞姨都仲得)
不過班長殺左兩個人，都無交待佢有無受法律制裁。
見崎鳴同男主o既關係亦都草草了事，又係無乜結果。
又講下絕唱戰姬，相比之下呢套睇唔睇都無所謂。
d劇情完全係唔make sense無深度，當佢係套MV睇就得。
一路唱歌一路打，大家又知歌詞o既，呢樣唔駁佢啦，
明明兩條友絕唱死左，之後無端端又復活番完整無缺，
最後3條友一齊用絕唱，然後又係出番黎大團圓結局。
仲有好多吐糟位，3條友死但只拜祭響，其他唔當係frd?
又唔代表唔好睇o既，有時轟轟烈烈炸一場都幾熱血沸騰。
|
