上回講到咖喱係好食，不過常好辣，令人難以進食。
而日式咖喱就係有咖喱味又唔辣o既完美咖喱。
可惜一般茶餐廳都好難食到日式咖喱飯...
要去味千之類日灴料理，又要排隊等位，價錢唔平，
一丁友唔想去呢d地方食(唔會一丁友睇戲唱K架嘛)
咁KFC呢d國民級餐廳食到日式咖喱算係咁啦，
所以今日又再去食過，點知去到話賣晒，
一係換磨菇汁或白汁，咁口快快就換白汁囉，
一換就知奶野，根本就係將白汁雞皇飯d汁倒落去d飯度，
其實就係白汁雞皇飯，30蚊食個白汁雞皇飯+舊雞扒？
我唔好食番白汁雞皇飯？專登走去KFC都係為左咖喱飯姐，
好心佢啦，日式咖喱飯咁受歡迎就整多d汁啦，
識賺錢o既就將呢個飯set做長期供應。
講開KFC，其實佢出過好多好食野，但係衣家無左，
記得讀書時期食過o既香蔥薯餅、焗鬆餅，勁好食，
限時o既有吉烈夀司卷、麥西哥脆脆、黃金蝴蝶蝦，
明明勁好食但係又無左，唔怪得一直都輸比麥記啦。
以前麥記都出過一排日式咖喱吉烈魚柳飯，又係超讚！
不過夕陽無限好，又係好快無左，仲要至今都未肯出番。