雖然做過幾份工，打正週年晚宴旗號o既活動確係第一次參加，
類似o既活動係開年飯，駱克、亙動、衣家呢間公司都參加過。
咪又係響酒樓一圍圍乳豬、帶子、燒雞、精魚、炒飯送上黎，
然後有一百至五百蚊o既現金抽獎之類，都係大同小異。
駱克開年飯只有加埋老細8個人o既酒店自助餐，規模細無計。
今次響九龍灣會所book左個場設宴，未開飯前就例雀局，
食到一半時就搞埋D抽獎同埋遊戲活動，
分三檯比賽，贏左有兩千蚊現金獎(全檯均分番)
輸左果檯就要受罰，結果我地檯輸左(遊戲什麼的最討厭了)
全檯要飲埋D紅酒+啤酒+竹葉青+士油+可樂+醋之類o既野。
輸左已經得唔到大獎無癮啦，仲要受罰，超級掃興囉！！
力高自稱滴酒不沾，就有男士為佢頂酒...(做女士真好)
抽獎獎品有PS3、G嫂腳同埋D音響器材之類野，
結果當然係抽唔到PS3啦，整體黎講呢個活動係極唔開心，
呢D活動真係可免則免！米搞我！