遲早都要買架啦，居然拖到今時今日先買... 囧
PS3 160GB $1880+行版訓狗$438+HDMI線$90
可能買貴左，不過當時9點半落到188，
得番一兩間Game鋪未收工無得揀...
班友點做生意架？9點半就落閘，早知落MK啦。
買果陣問關於上網o既問題，唔上網都玩到架可？
老細話呢部得，月尾出部廉價版PS3就唔得，
下？乜仲有新PS3出咩？果刻真係想cancel...
我差唔多期期G-zone都買，都可以唔知情...
個老細即刻兜番話果部用料好渣架炸！
我本來就理得部機靚唔靚，玩到就得啦，
(睇我買160GB唔買320GB就知慳得就慳啦)
不過早買早享受，廉價版頂多平幾舊，
買少隻Game係番度(我唔信會平過$1000蚊)
由於當時人地都趕收工，機都無試磅水就走人。
心諗其實都唔會有乜問題架啦，
番到屋企插完線，部機著左綠燈但無畫面喎，
唔係咁都比我買到部壞機呀fa?
好彩換番電腦用果條HDMI線無事，虛驚一場。
之後我用新買果條HDMI線插番電腦都係無畫面，
即係條線有虧啦？頂！咁廢o既線仲賣90蚊！