話說我係玩左一段時間之後先入番個DLC，
聽講DLC係多幾件衫，屋企多個詠春裝置，
同埋最重要係自己o既停車場多架警車，
(因為警察技能下段最尾係響警車拎散彈槍)
但我入完DLC後load番隻game出黎乜都無，
唔通要new game玩先有？咁咪要重練？
見唔係玩好遠就重練，點知過晒開頭D追逐戲，
番到北角間屋，衣櫃同停車場依然係無DLC野，
咁即係點呀大佬？唔好咁玩我啦！
衣家好煩囉，次次都要走去差館偷警車拎散彈槍，
偷得唔好被發現仲要甩開一堆差佬o既追逐，
做任中途失敗continues枝散彈槍又唔見左，
(可以load save o既，但又要響屋企行番過去...)
最慘做完D camera任又係唔見左又要再偷過！
點解要罰我做多咁多野？唔公平呀！
玩左大半日，玩到中環都有自己住所啦，
靚過北角間劏房好多(聽講後期仲有間更豪華)
不過獎盃只係20%，睇黎仲有好長o既路要行，
之前有個獎盃係要響big bam club用條魚去殺人，
我D save過晒啦，之後入番去都做唔番，
又係局住要重玩先有得拎番...
中環個鑽石大廈(即匯豐總行)還完度好高！讚！