平時食緊飯o既時候都有概念創作o既習慣，
呢類創作多數無乜故事性，純純係idea，
以前曾經諗過o既例如自動楊洲炒飯機，
外型就好似六合彩o既攪珠機咁，
將D材料(飯、蛋碎、肉粒、菜絲)倒落去，
咁就可以24小時長期keep住炒，保持新鮮熱辣，
平時響茶餐廳叫一碟楊洲炒飯有時都等幾耐，
有左呢部機器，就可以即刻畢入個飯盒埋單，
呢部機器亦可引申到星洲炒米或其他炒粉麵類啦 XD
概念還概念，實唔實行到就唔理，
純粹享受創作o既過程同樂趣，反正又唔洗錢，
無呢D天馬行空o既概念創作又何來新發明？
而且食緊飯諗下呢D同美食有關o既題材都開胃D架。
再講下最近有個生意o既念頭，都係飲食業，
就係有無諗過開一間只係賣一味餸o既餐廳？
例如咖喱魚柳飯，呢間餐廳就只係賣咖喱魚柳飯，
餐廳名亦唔洗煩，就叫做咖喱魚柳飯店。
呢間餐廳無餐牌因為得一味餸，買果陣只須講要幾碟。
有乜好處？就係成本低、簡單、效率快！
只須好似KFC D雞皇飯咁整定一煲咖喱魚柳汁，
當有人買果陣就響電飯煲畢一殼飯再林上咖喱汁魚柳，
其實連廚房、廚師都慳番，飲野呢？
可另設部汔水機，總之店員只須畢飯同洗碗即可，
低技術要求o既店員最低工資就請到，人工自然慳好多。
慳埋o既可以令飯價降低吸引顧客，薄利多銷，
而且店面唔洗點裝修，因為係做想慳飯錢o既友仔，
佢地唔會理間店華唔華麗，只係想平多幾蚊。
以現今平均食一個飯要40蚊黎講，
你個飯可以賣10蚊，仲唔煮幾多都有人清晒？
其他茶餐廳因為裝修貴、人工貴，無得同你鬥賤價。
可惜自己亦無足夠本錢創業，放響呢度for有緣人啦，
分分鐘真係賺到一筆架，而且呢種型式如果普及，
絶對能夠打擊今時今日昴貴飯價，都叫做福人群丫 XD
發展落去除左咖喱魚柳飯店，仲有洋蔥豬扒飯店、
白汁雞皇飯店、楊洲炒飯店，原理一樣，
咁顧客就可以廉價之餘又唔洗五日都食同一味餸啦。
(純粹參考意見，蝕錢唔好搵我 XD)
以上只係其中一D例子，要列晒本人o既創作，
相信一本牛津字典o既篇幅都寫唔晒，
不過間中響blog發表下精彩或得意o既意念啦。
|
