早排響apm間password睇中左件黑色恤衫，
白色車線邊，襯果頂學生帽應該好fit，
下定決心買，點知中碼賣晒，得番件大碼陳列品，
仲有兩件現貨要留比客唔肯賣比我，唔洗咁搶手呀？
搞到要落訂，買件出街衫買到要訂都係第一次，
比左3百幾蚊全訂，話要10月中先番貨，
諗諗下呢d秋天衫頂多比我著到11月，
10月中先著到o既話真係著得幾次又到下年再著...

對CAMPER著左一排後踭位就裂開左，認真化學，
大牌野唔一定好，900蚊買對布鞋都咁唔come著，
見佢爛後面就著住先啦，前面都唔覺o既，
今日買左對可能每個年青人都有o既黑色con屎，
本來唔想著con屎就係唔想同人撞，
但無理由繼續著對爛鞋，一時間又無其他o岩心水款，
算啦2百幾蚊頂住先啦，遲d搵到好款再換。