其實間茶餐廳原名叫乜名無乜印象， XD
另一個特別之處係呢間野座落於某街426號，
明就明唔明就算，之所以有六壬呢個別稱，
係因為以前呂少個師傅壇o既人經常黎呢度飯局。
今日諗住OT趕手電叢到尾班車走，
點知公司d人居然11點幾就收工，變左早走，
咁就搵呂少啦，佢原來仲未食飯，
就飛的落銅鑼灣食好耐都未食過o既六壬茶餐廳，
入到去發現間野唔同左好多，裝修過，
無左以前果種有d老鼠響檯底閃過o既感覺，
依希記得以前呢間野仲有個特色鐵版星洲炒米，
仲有個有霸氣o既刀疤侍應，都唔見晒，
就叫左碟普通星米，都五十幾蚊好貴下！
由於之前食左個KFC 2號餐加雞粒，
所以其實唔算肚餓，個星米都食剩三份一，
終於學到Laurence果種食飯食唔晒o既格 XD
跟住呂少女友KK都黎埋，拎左部iphone5出黎，
呢部先達回收8千o既野都有幸渣上手，
真係比iphone4輕左好多！其餘無乜特別... XD