人地話轉冬季D舖要敵貨夏天衫大平賣，
唔知點解5cm轉冬季D褸反而做特價，
定亦或其實呢個所謂特價都係原價扮減價？
上個禮拜睇見一件西裝褸原價$999特價$700，
今日諗住買，仲比我見到件黑色牛仔布西裝褸，
無論顏色同車線位都同件學生帽完全一致，
簡直就好似為果件帽度身訂造o既襯衫咁，
所以就買呢件，原價$1189特價$840，
然後個sell屎話買夠千三蚊照價再減$300，
所以只係比左$1120就買左兩件西裝褸，
如果照佢原價黎講，呢個價錢只夠買一件。
其實係咪扮減價，一件褸7百蚊又唔算貴丫，
平時一件夏天衫都賣四百幾，冬天褸喎，
布料都多D啦，差唔多啦，仲要5cm呢個牌子。
講番件褸先，牛仔布果件cutting無咁修腰，
雖然布質針織位都同頂帽好夾，不過諗深層，
西裝款同學生帽款唔多夾，又未致於撞o既。
至於另一件西裝褸，cutting更有線條美。