經常食埋D煎炸野，唔係就味精咖喱，
為健康著想，今日響大快活食煲仔飯，
專登帶埋3DS project未來去殺時間，
果然無帶錯，等個飯唔算好耐，
食果陣真係要玩一首歌先食得幾啖，
D飯熱到無可能大啖大啖咁食，
熱力維持起碼十五分鐘。
專登爬鬆D飯等底層唔好谷住D熱力，
等散熱途中又再玩多首歌(ry
隔離檯有個師奶亦同樣食緊煲仔飯，
佢帶埋部平版電腦響度煲劇。
可想而知叫得呢個飯預左要hea食 XD
好不容易食到尾聲，有層飯焦貼住個煲，
用鐵匙大力刮黎食，咬落有小小鬆脆，
係似石頭鍋飯咁(又係9個字都食唔完)
講番個飯，舊臘腸賣相唔多級引，
亦有好多菇，分開跟埋碟頭抽。