見同事檯面有綠色chip star薯片，
唔知點解有衝動去開盒咬番幾塊，
但次次拎起個盒先知空o既...
個盒係好吸引，呢D就係包裝o既成功，
都專登落百佳惠康諗住買番盒，
點知偏尋不獲，今日先響吉之島見到，
不過得番黃色(牛油味)同紅色(原味？)
仲要唔係擺係薯片果欄度...幾難搵，
唔怪得百佳惠康無啦，原來日本野黎o既。
牌子係nabiso，硬紙筒包裝，硬紙蓋，
個蓋係有小小膠水痴實，開蓋後都幾鬆下，
D薯片仲有個袋裝住，可以唔沾污個紙筒。
開左筒黃色黎食，味道一般，亦唔夠薄，
並唔係想像中咁好食，隻紅色未食，
食左再寫報告。仍然對綠色版充滿期待~