最近好轟動o既事件，公司o既同事都經常討論，
主要係因為網上瘋傳o既錄像片段有詭異行為，
加上酒店唔簡單o既背景傳媒再喧染做靈異事件。
酒店係多個連環殺手及撒旦教o既收容所，
間野收咁多恐怖人士點解D員工仲繼續做唔辭職？
D人猜測因為D職員都係同黨或共犯，所以亦無事，
又話有人響果間酒店訓教比人揑但現場係無其他人。
又傳有塔羅師一早占卜到佢遇害o既情況完全吻合，
網台搵文王卦同易經塔羅占卜件事幾時水落石出，
一致占到要半年後先查到同埋結果唔會令人滿意。

今個禮拜又再黎一單好轟動o既埃及氫氣球事故，
當時人要響被燒死定跌死決擇，諗起都恐怖，
唯一生還者係響六米高空跳落去，
我公司個老細同秘書閒聊話點解佢唔拉埋佢老婆跳？
6米呀...3米都難跳得落，唔係人人有呢種勇氣跳到，
總之禍不單行...希望唔好再連續咁多悲劇新聞啦~