響公司pantry個全盒粒左D瑞士糖黎食，
拆開包裝，咦？點解得一層紙包住o既？
以前食果D係裡面仲有張白色類似牛油紙o既野，
卷住粒糖架喎，心諗可能家陣D瑞士糖改左包裝，
(Kinder繽紛樂都由以前有絲帶撕開衣家都skip左啦)
唔出奇丫，少張紙又慳D成本，其實都無壞o既，
果層白色紙經常痴實粒糖，要用指甲撬開張野，
衣家呢隻一拆就食得仲方便左添，味道亦無乜分別。
最近又食響呂少果邊拎番黎o既瑞士糖，
一搣開，咦？仲有果浸白色紙o既？
咁即係之前食果D係山寨版啦？唔係呀fa？
瑞士糖都要老翻咁無出色？翻都翻D貴野啦~
以前都聽過黃色包裝果隻蜜蜂糖有翻版，
而且翻版比原裝更好味，以前小學小食部有賣，
都係兩毫子粒，唔知以前食果隻係唔係老翻啦，
比佢賣一千粒唔計成本只賺兩舊水，咁都好翻？
仲有藍威寶o既翻版藍鳥，又係比正版效力更強。
山寨真係乜都有~ :o)