對上一次自修日文應該都差唔多5年前，
之後考慮到日文o既實用價值又停左。
最近見蔡記出街都拎住本日文輕小說，
叫佢讀兩句黎聽下，佢可以讀晒兩頁，
又激發番我學日文o既念頭。
搵番以前買o既日文教科書原來都買左唔少，
再上youtube搜下有無D日文教學片，
真係好多，仲有大家的日本語o既教學片，
會叫大家翻開課本第28頁第13課咁，
呢本我有買！事隔幾年估唔到有相應o既視像，
咁就跟住條片勉強，一睇就睇左幾個鐘，
齋睇課文好多野唔明白，睇埋片就明好多，
老師會解釋番點解呢個字要咁用。
查實有基礎日文底，唔洗課本齋睇片都學到，
今時今日要無料自學真係方便好多，
不論結他、文法，youtube都有大量教材，
有心學洗乜交學費上堂學？仲局限D時間，
自己上網學想零晨3點學到聽朝都得夠彈性，
只係幣在有問題無得舉手發問囉。
|
