以下o既個案唔開名，約D老朋友出黎聚一聚，
佢最近同條女分左手，都一齊左差唔多十年，
但佢女友變得好勢利，又話唔肯住居屋，
要買私家樓，結婚又要響W酒店擺酒(過百萬)
又怨男友無用搵唔到錢(其實都正常收入架啦)
我夠想住貝沙灣、君臨天下啦，想就有架啦？
現實D啦，佢女友條件又唔係好，衰肥矮，
只係佢家姐搵到個千萬身家o既金龜婿*，
佢o既價值觀完全比姐夫果邊扭曲晒，
又咁講，家姐搵到姐唔代表佢自己可以搵到，
以佢o既條件，想搵個呢D男人？發夢啦。
不過呢位朋友又就真係幾無奈o既，
佢女友有咁o既姐夫，有比較之下好難唔扭曲，
不過人要認命，木門對木門竹門對竹門，
唔係o既話佢一世只係沉醉響妄想中。
計我話佢甩左呢個女友都唔係壞事，
同呢D只係講金唔講心o既女人一齊落去無意思，
打個比喻到佢病左呢個女人都未必肯照顧佢，
咁要黎做乜？不過放唔低都係十年o既情義結。

(*雖然佢姐夫好有錢，但孤寒到一個仙都唔比佢)