手機Apps黎講真正坑到我o既係呢隻百萬亞瑟王，
P&D都係唔識隨心所慾轉珠，轉珠已經難啦仲要限時，
佢剩係限步數唔限時都夠玩啦，所以886。
呢隻MA就唔洗煩，電腦幫你打埋，可以話無技巧o既，
但對住個咁細o既mon唔好同我搞D咩techni野，
要玩技術我拎番個實體手掣或joystick好過，
只係等車、排隊想搵D輕鬆小品攝下時間姐。
MA又唔可以話毫無技術，點樣配牌組做到低消耗高輸出，
以其第2nd~3rd atk輸出細不如只有1st atk怪BC仲化算，
HP少D但每下atk都高輸出，某D牌配答又有combo，
補血o既牌唔好放第1排以免未扣血先補血浪費技能之類。
MA人設討好，而且有釘宮、宮野、喜多村等坐陣，
日版就應該出左大半年，上個月尾中文版先開始營運，
要玩就衣家開始，唔係第時又話人地個個都咁高Lv點追。
不過要注意唔知點樣MA o既數據使用量好高，
只係隨便玩1日都差唔多20Mb，咁1個月30日咪要600Mb？
未計仲有其他whatapps之類，無無限plan o既就要小心D。
之前長期都維持一個月用唔夠500Mb數據量，
今日一check哇用左9百幾Mb，搞到係屋企都開wifi驚爆。
|
