係正星期三放勞動假，好多同事都請多兩日咁就連假，
同埋清假，有薪假響月底前未放晒係當唔要唔會補水。
不過算啦，我上年同今年都係未放晒，由得佢。
(同部門有人放左我再放埋可能亞頭會炸形)
而今個星期番兩日放一日再番多兩日咁都幾舒服，
如果實施一個星期四天工作天制o既話，
果日假期最好放響星期三，咁時間好過好多~(FF完)
實施咩最低工資丫？我寧願佢實施四天制好過。
實施最低工資只會搞到通貨棚脹，羊毛出自羊身上，
到頭來雖然人工高左但消費又高左係番度無變數過。
你話D老細會唔會咁好死加人工唔加價？
到頭來成本都係轉駕番落消費者度，無分別。
如果實施最低工資，就一定要再加多條例，
禁止加價，車費唔加、食飯唔加、舖租唔加，
乜都唔加剩係加薪，咁先真正達到最低工資o既效果。