居然無講過呢個飯？點都要講下啦。
麥記都唔係第一次出飯，
以前出過日式咖喱吉烈魚柳飯，
魚柳係魚柳包果塊，飯係用珍珠米，
講真當時個飯堅係好食。
今次呢個就......強差人意，
佢用九件麥樂雞盒(咁o既size)裝住，
仲要裝唔滿，可想而知份量只夠攝牙，
然後D飯呢就普通米仲要好似隔夜飯，
你屋企用電飯煲求其煮都好過佢，
然後舊雞肉就版燒雞腿包果塊，
D汁送飯唔多夾，失敗，
唯一特別之處係D飯混入粟米粒，
不過你求其拎D粟米粒hea上去都做到，
連幾棵西蘭花，整體差過吉野家做雞飯。
仲有個飯趣卷，呢個叫做有D驚喜，
用飯壓到好似薯餅咁，幾特別，
加埋片青瓜幾爽口，有泰式辣醬，
不過我食果條頭一啖有之後無晒 -_-"
有跟薯條28蚊點都抵食過個飯。