男人同朋友出街應該無人未試過講呢個話題：
「喂，前面條女比幾多分？」
我朋友每見到一對情侶就會問：「公唔公平？」
咩公唔公平？就係指條仔o既質素拖到呢條女，
公唔公平？如果條仔好似古天樂咁款，
拖條索女咪話：「好公平~」
見到肥仔拖住索女就會話：「唔公平！」
而我最近自己一個行街都會問自己：
「前面條女『如果』做女朋友得唔得？」
(係做女朋友，唔係評佢索唔索~)
發現其實基本上只要唔肥o既女仔，
年紀唔會比我大、四肢健全無怪病o既香港女，
根本唔會答：「唔得~」就算輪廓幾差都好，
咁我o既擇偶條件唔算好高姐？
(當然呢個只係表面o既因素，真係拍拖o既話，
仲要睇性格人品專唔專一會唔會只係貪錢等)
其實唔係剩係我擇偶條件係咁，大部份男性都係，
我睇住一個醜樣不過唔肥o既女幾個男仔去討好佢，
不過佢一個都無show到，所以話相對地，
大部份香港女性o既表面擇偶條件比我地男性高得多，
最起碼要對方靚仔、有錢...唔係點都唔show你。
呢排行街積極搵下唔肥但我又覺做女友唔得o既女，
睇下有無呢種人，唔通真係樣衰到咁過份？ XD
有時輕鬆下比d小遊戲自己玩下都幾過隱丫~