無論老麥定係茶記買薯條都會送茄汁，
我覺得點左茄汁好難食，味道完全唔夾！
感覺好似食D過期薯條腐爛薯條咁，
唔點好食好多，自細到大食薯條都唔點茄汁。
不過拎住舊食物擺落口之前，
的確係做個點醬o既動作自我感覺良好。
尤其是咬左啖有你o既牙齒印，
呢件食物就屬於你o既，將佢浸落D醬汁度，
將呢個屬於你o既領土擴大，全盤醬汁都屬於你o既。
唔怕再有人拎佢舊叉燒點落你碟嗜油度(外來侵略)
就好似D動物要柯尿柯大個範圍霸地盤咁，
滿足生物與生俱來最原始o既佔有慾，
響要答檯o既餐廳前後左右都係陌路人，
而你成功佔領左一個空間，係有莫名o既成就感。
呢個只係純純感覺，三唔識七鬼得閒點你D醬汁咩 XD
如果薯條要點醬點沙律一定好食一百倍！
係咪成本貴好多所以餐廳都只會送茄汁？

講開又講，老麥D麥樂雞送果D醬又係無樣正常！
一味強調點醬o既爽快感(整埋個角色叫點Jack)
但全部醬都難食到嘔，好似喪屍D嘔吐物咁！
可唔可以送番D正常o既醬呀？(例如沙律醬)