響觀塘番左兩年幾工，apm二樓半個場都封印左兩年，
D木版印有美食相片寫住cooming soon...
(你個soon都真係幾soon喎)上星期居然開番！
心諗多個大型食場可以舒緩觀塘大量食客o既人流，
唔好經常都無位坐，搵位等位仲耐過食o既時間。
丫點知1樓個美食廣場又摺左(定係根本就搬左上去？
有無搞錯呀？咁咪即係食飯時段一樣咁飽和？
7點鐘KFC排隊半粒鐘，食元氣壽司等籌九個字，
講緊唔係星期五六喎，係平時星期二三都咁，
你唔係驚開多個食場會蝕錢無生意呀fa?!
講番個新食場，下午茶時間去試下(唔係邊有位呀？)
搵左個咖喱屋食個咖喱炸蝦飯，比左錢後佢唔止出飛，
仲比埋個好似手機(厚過部iphone)咁o既機器比你，
部機上面有顯示屏show你個number，
拎得果陣部機會著燈同震，心諗洗唔洗咁懶高科技呀？
比張飛人謊死人地會影印張飛呃多幾碗飯咩？
如果有D白木買完飯唔要個飯拎走部機咁佢地咪蝕錢？
就算唔貴有震有接收感應都要百零蚊部掛？
拎野食果陣好似統一晒櫃位，唔理你買西餐定印度野，
即係衣家一個廚房煮晒咁多種野食？