呢兩日都專登唔提及，
諗住今日再買個蛋糕比佢驚喜。
自己又好想食下蛋糕，
唔係有人生日就搵唔到理由食蛋糕 XD
放工去龍珠餅店睇下黑森林，
(之前都有幾年佢生日響呢間買黑森林)
不過今年呢間o既黑森林用左粉紅忌廉，
我覺得白色忌廉先好食，咁就睇第2間，
行前小小有間凱撒餅店，
都有咁上下size黑森林蛋糕，價錢貴D，
好~今年就試下呢間啦~買左，
點知番屋企原來老媽都買左龍珠o既蛋糕，
咁今年就有兩個黑森林蛋糕食啦 XD
試左兩間o既黑森林，味道方面無乜分別，
不過龍珠果個響中間D忌廉混生果同啫喱，
啫喱+忌廉OK，但啫喱+蛋糕有違和感。
而凱撒果個側邊就痴滿左朱古力薄碎片，
口感方面居然係龍珠果間贏左，
但由於面頭過多生果同埋內裡混左啫喱，
整體黎講係凱撒果個贏。