幸好叫做脫離服務行業o既魔爪，
可以選擇比較理想o既工作，
響RC有個網友做7仔，又傾下呢一行，
聽聞守夜更如果守正果間舖比較偏僻，
晚晚都有人入黎偷野，仲要隻眼開隻眼閉，
點知果D友仔係咪食開白粉定K仔？
癲起上黎拎枝士巴拿桶你兩野就係咁先啦，
打份工姐，唔通搵條命去搏咩？
而且夜更7仔好多時得一個人看舖，
有起事上黎無照應，就算去追個賊，
咁邊個看舖？邊個想做份工日日比人偷野？
當過左個撇帳額仲要自己um何包補番條數，
分分鐘賺埋都唔夠蝕，所以D店長想炒人好簡單，
將個員工調去呢D死位，不出3日都收到辭職信。
傾開果位網友就話佢睇果間舖都叫響大街，
無咁雜，但都知新界區果邊好多有以上情況。