明明上年週年飯局係9月頭，心諗今年應該無飯局，
前年都無啦，應該唔係年年搞？點知10月尾都係要搞，
由於上年o既不愉快陰影，都唔多想出席，
仲諗最好撞正埋版或者通宵埋完版唔番避過，
不過今年唔係酒樓搞，響pentry到會情況好好多，
跟住抽獎環節，今次set到係全體員工人人有獎，
只係獎品當中有幾個係伏，例如D咩卡通斜孭袋，
最雷果份獎係印有公司Logo o既襟章...想點？
而呢個大地雷係上司抽到，其他大部份都係現金獎。
我就抽中個喇叭，仲諗住係腦場幾十蚊個果D小喇叭，
領獎果野先知原來都幾大下，睇落應該值錢，
據佢地話個喇叭係靚野，市值超過1000蚊，
咁應該都算係現金獎以外第一二大o既獎啦喎？
我幾時咁有人品架？(受寵若驚
好彩今年無果D友情破壞o既懲罰遊戲，
整體而言都消除左唔少對週年飯局o既陰影。
|
