上次睇過順天村，環境有D殘念，
今次睇o既係舊機場重建o既新開發區，
據聞只係o岩o岩入伙兩三個月o既啟晴村，
格局同康怡花園、富景花園果d參唔多，
不愧為新起o既公屋。樓下好寬敞，
空間感大左感覺應該好free好relax~
如果新婚夫婦派到呢度生活應該幾美滿下，
鄰近商場好多仲係吉舖，買野好唔方便，
要等遲D慢慢多D商舖開舖先會改善。
地方空擴好食風，本來大風都舒服o既，
但地上好多泥土(仲有唔少設施工程整緊)
風一刮起即飛沙走石，好多粒粒向我攻擊，
而且風力極大，連我都有D企唔穩，
以前打八號波行街都無呢度咁大風，
今日無打風都咁，三號波都應該難以想像...