好耐之前屋企有個鹿頭標本，
唔知係仿製品定係做左防腐o既堅野，
細個果陣(應該係小學一二年班)百厭，
用marker響鹿頭上寫左個「屎王」，
仲畫埋雪糕狀屎有笑樣做埋yeah手勢...
惡搞完之後果個禮拜即刻生眼挑針，
覺得係得罪鹿頭o既報應，真係幾巧合，
自此都對鹿頭有d避忌，近十年來，
鹿頭一向掛響樓上，最近樓上要出租，
所以都拎落黎，出奇地果d塗鴉唔見晒！
記得早幾個月上去望過d塗鴉都仲響度...
懷疑係亞媽洗過抹甩左，但亞媽否認，
佢話洗果陣都唔見有，仲話鹿頭顯靈...
不過的確用marker畫左咁多年o既蹟，
都無乜可能洗甩，所以洗甩都係奇蹟。