已經由「一週熱事回顧」升華(?)至「本月熱事回顧」，
要持續營運呢個topic原來有D難道，廢話小講去片！(?)

TVB台慶全民響應熄機
因為電視牌照風波，TVB以東張西望踩一腳惹來公憤，
抽咩水姐？其實佢乜都唔做咪乜事都無囉。
網民發起熄機大行動，成功令台慶收視唔夠30點，
之後TVB將矛頭直指壹傳媒，將其列入黑名單，
咁做只會令人覺得熄機行動係成功、有效果囉！
如果佢無任何動作，D人就覺得熄機威脅唔到佢，
就唔會再搞咩野熄機活動啦，都係果句，
其實佢乜都唔做咪乜事都無囉。

拐B案變殺B案
轟動一時o既拐B案，一名母親報稱BB被搶走，
大量網民傳發訊息聲援望盡快尋回失B，
事後翻看閉露電視及警方查證發現有可疑，
真相竟然係該名母親親手殺B然後虛報，
網民都大跌眼鏡，轟動更升級！

路姆西公仔一丟成名
特首及高官出席公開場合被人用公仔丟，
呢個公仔唔簡單，係宜家家私出o既路姆西，
丟出去即有「丟佢路姆西」o既意義 XDD
紅爆公仔旋即搶購一空，話唔定丟公仔果個，
就係宜家家私老闆，極之高明o既生意手法！ XD