一向都有響屋企著襪o既習慣，因為舒服，
不過有分屋企襪同出街襪，出街襪通常唔舒服o既，
純粹粗用，以前無分出街襪，會著舒服襪出街，
相信出街鞋同襪o既磨擦量比屋企拖鞋高好多，
增加穿隆o既可能性，亦係咁幾對舒服襪穿左隆，
救都救唔番。

舒服襪都係綿質、透氣度高同埋有彈性，
差o既襪唔止唔舒服咁簡單，直情係又焗又緊！
但舒服襪可遇不可求，就算搵到同款花紋o既襪，
質料都可以唔同，著上去完全唔係果回事，
就算買90蚊對o既貴價襪都唔夠舒服，
但街賣D襪好多都包住，摸唔出舒唔舒服，
要撞手神，近幾年來都未買到可以取代o既舒服襪。