落開銅鑼灣，點都要食D平時觀塘無得食o既野，
行經燉奶佬比佢食物海報吸引到，好！就呢間！
試下佢o既印尼炒飯，其實係星米o既炒飯版，
叫星洲炒飯比較貼切，不過飯面加多兩隻炸雞翼，
同埋一塊流心煎蛋，食落D飯粒幾軟熟好好味，
咖喱均衡入味，可見廚師功力非一般茶記級數，
連杯熱華田49蚊，銅鑼灣黎講呢個價錢相當合理，
不過食完行出舖望格離間翠華，人氣似乎多好多，
但我絕對覺得呢間燉奶佬都係「依枝班」！
下次一定要再試埋佢其他野食。