上年有送聖誕卡，今年無理由唔送假，1不做2不休，
不過一番到公司就先收到老細o既聖誕禮物，
係一個類似金字塔o既agnes b朱古力，人人有份。
今年送我話好靚o既流動咖啡車聖誕卡比亞頭同拳，
不過架車設計有D煩要有小小技巧先摺到出黎，
老細同秘書就送D一攤開就立體o既聖誕卡，望望檯頭，
上年聖誕老細回禮(?)o既聖誕樹朱古力盒仲響度，
斬下眼又一年，上年我送過D咩聖誕卡仲記得好清楚，
送左立體船聖誕卡比亞頭，送左聖誕樹型聖誕卡比拳，
送左屋型聖誕卡比suki，送左透明聖誕卡比秘書，
仲有送過張音樂聖誕卡比Mattew，打開櫃桶，
其實上年D聖誕卡o既包裝袋都仲響度 XD