如果問我最鐘意邊個節日，唔洗諗就會答聖誕節，
不過我又唔係基督教或天主教徒，聖誕有乜意義？
再者咁多年黎聖誕咪又係咁過，都無乜特別經歷，
純粹係洋溢響果種浪漫o既節日氣氛令我感覺良好，
天氣凍凍地，周圍都掛滿聖誕o既裝飾品同燈飾，
電視、收音機隨時都聽到聖誕歌，好愉悅~ >v<
香港無落雪，如果唔係節日色彩會更加濃厚。
追溯番最早期o既聖誕印象，都係幼稚園果陣，
學校搞抽禮物，依希記得我抽到架TOMY模型車仔，
小學果陣同學間仲會亙送聖誕卡(中學好似已經唔興)
可能就係呢份收到禮物o既喜悅深深咁烙印響意識中，
仲有伴隨而黎o既假期呢(仲要痴埋新年放)
呢D美好陰影(?)令我打從心底鐘意呢個節日。
出左黎做野，節日帶比我o既好處逐漸蕩然無存，
好似今年個聖誕咁都係響工作壓力中渡過，
加上單身o既妒忌怨念促使我唔希望呢個節日來臨，
聖誕比到我o既只有潛意識o既好感。