查實呢首野早就征服左第一段(總共有兩段)，
第一段基本上超簡單，大部份空弦，
得兩三個位要押幾條線，不過唔kick手，
就算條友未玩過結他只要教一下都可以彈到掛，
但第二段難度突然超展開，押線位kick手，
押完又即刻跳去另一個9唔答8o既位，
之前枝Taylor去到7格後幾大力都押唔實灟晒音，
彈之前仲要度位，所以一直將第二段無視(你...
最近先再克服呢個第二段，用枝Yamaha，
好彈好多，7格後bar chord都仲彈到爭好遠，
衣家叫做彈到全首浪漫史，but第二段仲未順，
不過算係結他之路o既一個新里程碑！
好似Level up解鎖咁又多一堆新難度歌可以玩，
最近又彈多首padora heart o既lacie(頭果段)
進度係好慢，緊係啦只係得閒手痕玩兩野，
利申：我從來都無上過結他班只係自學。