本來無聊o既夢都無乜好記載，
而且多數起身果下已經唔記得，
只係記得有發過夢，但唔知發過乜。
今次呢個夢到我番到公司都仲諗得番起，
話說又係好似去日本旅行之類，
(唔係第一次夢見類似咁o既題材，
明明就一次都未去過日本)
遊覽緊一間商場，好熱鬧好多野睇，
最特別係我坐緊部類似電腦機箱咁上下大，
移動援慢o既電動車(唔知乜野黎)
用兩腿夾住呢個箱咁行，一路行到答lift，
架lift透明玻璃、原途都望到好多表演，
望到個透點o既女郎，跟住唔知咩事，
忽然卡左響半空，望住地下約三四層樓高，
我雙手渣住玻璃牆頂，大叫救命！
突然醒左，仲諗緊應該講日文tasukete...
衣家諗番起都仲幾驚嚇。
另一特別之處係個夢感覺好似第2次發，
係咪真係第2次我唔敢肯定，
but寫另篇野時無左呢種第2次o既感覺。
|
