我地出版社老細仲有其他公司，痴埋兩層單位，
今日就響pantry搞左個4間公司聯合盤菜春茗，
由於其餘3間公司都初八啟市，所以先今日搞。
唔知響邊度班左幾張圓檯放響pantry，
每檯都一個爐滾住盤野食，可惜賣相好唔吸引，
好似d腐爛左o既野撈埋一盤咁，黑蚊蚊，
本來我因為手臂有濕疹戒左食蝦一排，
但搵雲全盤野最似擺得落口o既野只有大蝦，
呢D場合點都要食小小應酬大局，迫住破戒，
夾左兩舊大蝦用口搣殼咬，之後先放番D菜，
多樣似樣D o既野食，我地果盤野好似無旭過，
反而另一檯好似唔多夠食，就同佢地換盤...
慶幸地今次居然無搞乜野抽獎遊戲，太好啦！
最憎呢D活動，抽中膠獎或懲罰野就超掃興。