打機對我黎講係一份情義結(較早前blog都有講過)
而格鬥Game更加係情義結之中o既情義結，
自細迷上街霸到拳皇，戰鬥稱得上係男人o既浪漫。
但一直以黎都對格鬥Game呢個設定感到迷思，
尤以鐵拳系列最甚，就係當角色壓住對手施暴，
點解打幾下會自己起番身或行開放對方水？
例如鐵拳將對手推倒然後左右拳咁打落去，
應該打到對手至死方休，可以打仲唔起勢打落去？
除非有個裁判分開雙方，或者被壓果一方掙脫，
咁樣無辦法繼續施暴先係合情合理，
但鐵拳d人就好似放低件貨落地咁斯斯然起身，
真係人不可貌相，個樣大奸大惡原來咁有風度。
blue mary出arm bar又係點到即止，
不愧為崇尚武士道精神o既大和民族出品。