對80後黎講相信星爺o既電影都係經典之作，
我自問都迷過佢o既巨著，如食神、少林足球等，
中學時期食神o既台詞更背得滾瓜爛熟。
TVB(重)播呢套喜劇之王就唔敢再認自己係粉絲，
我記得當年係入戲院睇o既，但對呢套戲o既印象，
只係得句「痛呢係由外到內再到番外」
但咩程況講呢句都講唔出，一路睇番一路驚奇，
一路自問「乜套野有呢一幕咩？係咁發展架咩？」
張柏芝係做舞女，連有莫文蔚呢個角色都唔知，
你話早期星爺d作品無印象就話姐，果陣仲細，
呢套喜劇之王係佢中後期o既仲要響戲院睇，
點解可以零印象？會唔會係套劇太失敗？
的確睇完感覺係好麻麻，d笑位到侯唔到肺，
無睇食神或少林足球果份衝擊感。
|
