KFC買個M1或M2餐通常覺得份量硬係爭小小，
要額外加多樣野先o岩o岩好，平時係加反斗薯，
今日買果陣見塊牌...咦？唔見左o既？
又換左d新野，見到加十蚊有個點醬雞棒，
就試下啦，初時以為係d雞軟骨之類，興趣唔大，
原來食落似係平時d雞寶o既長條形版本，
嚴格黎講新鮮感欠奉，不過最精景係加個沙律醬，
(唔似得M記d麥樂雞咁比親都係d唔正常o既醬)
一路食一路大大力咁查落d醬度真係爽快，
正就幾正，不過同樣十蚊o既KFC食品黎講，
呢個雞棒仲未超越到以前壽司卷果種驚喜級數，
叫做好食過d反斗薯啦，其實整薯條黎講，
KFC都係輸比M記，唔好再整乜薯物薯o岩啦。