無掂芒亨都應該有半年，對上玩果次都係3DS隻MH4，
今朝居然發左個幾趣怪o既夢，我同蔡記響個現代都市，
比隻大怪鳥追住，我地一直跑，不過鬆容不迫，
就好似響芒亨咁只係暫時避一避風頭轉頭再解決佢咁。
跑緊果陣望一望隻野，響高樓大廈90度直衝落黎出火車，
都係MH4新加o既地形系統，高低差火車衝上去都得 XD
之後當然醒左無下文不了了之，醒果下諗起仲係好好笑。
再訓番又發第個夢，夢見同阿鳳落機舖睇跳舞機，
依希記得純粹只係一件咁o既事無其他特別情節啦，
都唔知點解會夢D咁9唔答8o既事(夢不嬲都9唔答8架啦。