一日24小時可能有10個鐘係訓響間床上面，
人o既一生可能有3份1時間響間床上面渡過，
所以床係好重要，買床單當然要買舒服D啦，
今日為新居果張4尺X6尺o既新床買床單，
個人而言床單唔好太滑，唔好太鞋，
唔鐘意果D拋光布料睇落去怜蠟蠟，
印得越多野越花呢look都係散(第3音)，
絲質果D更加唔舒服，所以都幾難揀。
吉之島(衣家叫AEON?)個sales好多形容詞，
好多未聽過o既字眼(定係佢自己自創？)
所以話粵語真係博大精深，例如：
散(第3音)啦、鞋啦、啜啦、粒(第3音)啦...
剩係形容質感炸，轉做國語真係唔知點講。
卒之揀左680針簡潔圖案，越無野印越舒服。
|
