近日連觀唐廣場樓下都開多間爭鮮壽司，
睇黎呢位台灣老細好績極想開發香港市場。
講開屋企附近間，隔離間惠康亦有賣壽司，
唔計邊個好食D，以爭鮮呢種開洋式格局，
家陣天時暑熱，就咁擺D壽司響度臭晒啦~
再加上D人徒手咁摸D壽司(雖然有包玻璃紙)
晒到身水身汗o既體溫捏黎捏去... XP
壽司果D生肉要保持響雪櫃溫度先衛生嘛，
可能台灣個氣侯夏天無咁酷熱啦，
不過開響香港唔該入鄉除俗加塊度玻璃門，
唔好以為台灣o既格局OK黎到香港都OK，
而惠康D壽司係擺店入面溫度控制方面贏晒，
可惜最近惠康D壽司款式無乜好選擇，
想要果隻款又要夾雜D唔想要o既款放埋一盒，
以前十二三蚊果D三文魚卷同玉子卷無晒，
果D先come食夾抵食呀，居然抽起晒，
爭鮮就每舊3蚊自由組合，又贏番一球，
所以結論係：1比1，打和。