呢兩日屋企上網又無故恢復正常，
本來仲想叫人黎換晒入屋d線。
深明白問題仲未根絕只係潛伏期姐，
好似計時炸彈咁睇佢幾時又爆炸，
上到就唔理住，煩左好多次唔想再煩！
再講，衣家未換線都正常番，
換左線都唔容易check到仲有無事，
又猜測落雨天可能會容易受影響。
屋企上網問題先告一段落，
係咪衰開有條路？又輪到公司啦，
呢幾日公司上網都異常慢甚至無反應，
但又未斷得線吊住吊住咁，
聽講係公司用果間網絡商受駭客攻擊，
早幾日臉書、1傳媒等大網都被黑客癱瘓，
老闆懷疑同公司上網問題有關(又關事？)
寧願公司上唔到網唔好屋企上唔到啦。
又話時話，係咪呢排轉左look，
影響我o既上網運呢？呢排下爬留鬚，
相學黎講，下爬生粒瘡屋企會漏水，
唔通下爬留鬚就上唔到網？(又關事？)