以我所知公司有3位男同事(唔開名)都離過婚，
佢地睇落一表人才，有個係公司o既高層主管，
有個係副編輯，以前仲做個廚識煮一味好餸，
而呢兩個都獨力撫養個女，係盡責o既好爸爸。
有個某程度比較好d，無生到仔女就離婚，
起碼無包服，應該未過40，隨時可以再搵過。
點解？點解d女人可以咁不負責任話走就走？
3位男士外表言行舉止至性格上都唔似有缺陷，
經濟方面雖則(應該)唔算有米但都穩定收入丫，
一個咁有責任感咁顧家o既好男人點解唔要？
佢地仲係無甩頭髮又唔肥無肚腩標準身形，
係個女人要求太高呢？嫌佢地窮、無出色？
定相見好同住難相處上有d不為人知o既一面？
而一間唔算大o既公司裡已經有3個離婚男士，
衣家離婚率係咪真係咁高？當初又點解結婚？
亦都已知有3位同事暫時婚姻都無乜問題，
不過唔計3位離婚者其他單身同事亦唔少...
所以話，要有拖拍其實仲難過發大財。