衰開有條路，呢期上網運真係黑過墨斗，
今次輪到新居呢邊上唔到網，
不過好在後來證實係插錯線，
因為搬電視櫃所以先移走d數據機、路由器，
後來插錯左電話掣果條去左分插位，
奇就奇在移走數據機果陣仲保留插住數據機d線，
即係只係拔出插插頭果一邊，
等數據機歸位時只係插番條線落插頭就得，
無理由咁都會出錯架喎？
之後居然(疑似)路由器送果條灰色線插落插頭，
而整寬頻果條友比o既白色線插分插去路由器度，
咁先上得番網，當初究竟係點插架？
條白線係插唔入寬頻個input位架喎？
兩條線都唔同插頭，anyway唔講呢d住，
重點係星期六晚7點打電話去3客服果度話有問題，
佢地話係機房問題派專人去處理，快則當晚搞掂，
最耐24小時內解決到，整完會再打黎跟進番，
點知星期日全日都無晒下文，點做野架？

(註：結果7月14下晝6點先有人打黎跟進)