好耐無游水啦，今年下定目標一定要游番水，
今日出門袋定泳鏡、泳帽、泳褲、毛巾，
然後5點幾食個麥爆雞餐咁就唔驚游游下肚餓，
放工7點零直接到觀塘泳池，Yeah！目標達成！
地段好近，由公司出發只係過一條馬路，
再行一條天橋即抵達，入場費十九蚊，
呢個觀塘泳池有兩個室內池(應該係暖水好舒服)
水深由1.4米、1.67米到最深1.9米，
平時答車仲見到有露天泳池不過未搵到點入，
夜晚7點到8點都勁多人，以其話游水，
不如話浸水比較貼切，根本多人到游唔到，
你游多兩野又打到人，有傳國內報章大力推廣，
香港泳池又平又靚變成內地人其中一個來港理由，
再加上暑假，亦多左細路哥個場更full，
到到9點半先開始多番D空位可以游多兩野，
可惜個池收10點，今日差唔多玩左3個鐘水 XD
游完水行番出去，有間日本料理(應該未收工)
如果同條女游完再整番個定食真係連combo，
不過自己一個緊係隨隨便便醫飽個肚算啦。 XD