實不相瞞，之前係叫做游到水，但唔能夠持續，
原因係唔識得一邊游一邊呼吸，只能吸一口氣，
游到幾遠就幾遠，記得試過響西灣河泳池，
閉氣游到半個池，而且係唔正統o既泳姿，
類似前面用蛙式後面用蝶式...
今年游番水將以前o既概念一次過抹走晒，
從新出發，上次掌握到邊游邊呼吸，
但都唔係好keep到，好易亂左陣腳，
今次一落水就唔知點解自然keep到，
感覺D水好似識配合自己身體咁，
每游一下D水會自動浮番我上水面比我呼氣，
唔洗刻意用力chok上去，總之就順其自然，
然後仲成功挑戰游觀塘泳池一個池o既長度，
亦試唔帶泳鏡游水(落水果下係蒙到乜都睇唔到)
衣家叫做真正識游水啦，無上過游泳班架，
自學成功點都輕香D~ XDDDD