我份人係唔鐘意同人鬥，其實真正唔鐘意o既係鬥唔贏，
每次輸比人就好激氣，諗番起對上幾次唔開心o既原因，
好多都出於比拼落敗，例如打機輸左、條女比人搶等。
所以要杜絕呢種壞心情就係唔好同人競爭，
一旦萌起鬥心，即使天時地利都處於劣勢亦唔想輸。
有時唔係我想同人鬥，而係自然局勢令我不得不鬥，
例如公司annual dinnder d遊戲環節咁，根本無得走，
有時走運無輸到，發現贏o既喜悅遠遠比唔上輸o既憤怒，
贏只係果一刻會心微笑轉頭就唔記得，輸可以恨一兩個月，
甚至乎果條刺記一世，真係贏粒糖輸間廠，鬥黎何必呢？
免得過我都唔想鬥。
|
