卡樂B隻宅卡B薯條雖然好食，但貴都唔come食，
味度似麥當勞D薯條再翻炸咁樣，香濃十足，
10蚊得幾條食幾野就食晒，最近見到呢隻Jagarico，
差唔多size同樣10蚊，但拎上手覺得份量好充實，
心諗可能都係似佢另一隻路線o既雜菜薯條咁，
青色包裝果隻，平好多4個幾蚊包好come食，
不過味道爭緊D，就好似稀釋左o既宅卡B咁。
係o既一分錢一分貨，好啦開黎試食，
咦喂係宅卡B口感喎，只係幼身版宅卡B，
不過就好多條，個兜亦無宅卡B咁多空位，
真係充實好多，薯條表面仲有紅紅綠綠o既菜粒，
賣相比宅卡B更吸引，呢隻堅得！以後買呢隻啦！